vía VEGUINBOX de M.Fanjul el 5/04/11
El llunes 4 d'abril morrió en Mieres, a los 64 años, Nel Amaro. Amaro fue un de los escritores con más bayura d'estilos de la lliteratura n'asturianu de los últimos trenta años. Poeta, narrador, dramaturgu, collaborador de periódicos y revistes y anguaño poeta visual.
Nel amaro pasó bien de díes por Veguín, allá pelos últimos años 70. Nesi tiempu fue director del grupu de teatru Box, perteneciente al Club Cultural. Baxo la dirección de Nel Amaro, el grupu de teatru Box estrenó la que fuere la meyor obra de Nel Amaro "Xénesis o alborá de la concencia", que los entendíos afirmen que ye'l meyor esponente del teatru modernu n'asturianu. Pue dicise qu'esta fue la primer obra de teatru n'asturianu que se representó nesti país.
Dende esti blog queremos alcordamos de Nel Amaro, del so pasu pel nuestru pueblu y manda-y a la familia un abrazu perfuerte nestos díes de tristura.
Fernando Padilla .
No hay comentarios:
Publicar un comentario